Молитва Ангелине Святой

Молитвы святым

Память: 1 июля / 14 июля, 10 декабря / 23 декабря

Дочь князя Георгия Албанского и супруга Стефана, короля Сербии, святая Ангелина претерпела изгнание при турках (XV век) вместе со своим мужем, и разделила все трудности жизни в Албании и Италии. Двух сыновей своих, святых Максима и Иоанна, воспитала в духе истинно христианском. По смерти супруга, приняв монашеский постриг, святая Ангелина посвятила себя молитве, благотворительности и храмостроительству. Верная жена, добрая мать и совершенная христианка, она воистину заслужила имя «матери Ангелины», которым ее наградил сербский народ. Ее чудотворные мощи сохраняются вместе с мощами ее праведного супруга — святого Стефана и их благочестивых детей Максима и Иоанна в монастыре Крушедол.

Святая Ангелина молитвенная покровительница в устроении семейной жизни, в семейных нуждах и скорбях, в благочестивом воспитании детей, ей молятся жены и матери о даровании добродетелей супружества и материнства.

Тропарь праведной Ангелине, деспотиссе Сербской, глас 8

В тебе, мати, известно спасеся, еже по образу, приимши бо крест, последовала еси Христу и, деющи, учила еси презирати убо плоть, преходит бо, прилежати же о души, вещи безсмертней. Темже и со Ангелы срадуется, преподобная Ангелино, дух твой.

Кондак праведной Ангелине, деспотиссе Сербской, глас 8

Вышняго живота желающи сподобитися, нижнюю пищу тщательно оставила еси, и богатство твое расточила еси нищим, и Небесное богатство прияла еси, и по смерти нас освящавши, и чудеса твоя, всехвальная Ангелино, источаеши. Темже твое успение святое почитаем, взывающе: радуйся, мати прехвальная.

Молитва первая праведной Ангелине деспотиссе Сербской

О, преподобная Ангелино, мати наша добрая и милостивая, помози нам, чадом твоим непослушливым. Ты еси матерь наша благая, скорбное житие на земли пожила еси, обаче с помощию Божией, победы в битвах храбро стяжала еси и душа твоя в свет Царствия Небеснаго радостно вселися. Твоя домашния Церковь Христову украсиша и позолотиша твоими святым супругом Стефаном и сынами Иоанном и Максимом. Имела еси сердце неизмеримо большое и сострадательное ко всем, находящимся в беде. Посему благочестивый сербстий народ звал тебя лучшим из слов дарованных Богом – матушка. Яко ты еси мати всех нас, сербов, твоих, которые, аще и согрешиша много, обаче любим тя и почитаем и к тебе за помощью притекаем.

Кая бо матерь детей своих возненавиде, аще и согрешат зело? Ни, но мудро наказует их, любити же не престает. Поэтому и ты, мати наша добрая, накажи нас с небес, бичом Божиим, но не оставляй нас без твоея любви. Десницей правды Божией покарай нас, а десницей любви укрепи и верни с путей неправедных на путь истины и добра.

Молимся тебе, мати добрая, молитвами твоими испроси нам благословение небесное: болящим здравие, немощным силу, отчаявшимся надежду, голодным хлеба насущнаго, безплодным чад, гонимым кров и утешение, и всем молящимся тебе подай по великой милости твоей просимое. Но и еще больше даруй нам, мати наша добрая, благ небесных души очищающих, укрепляющих нас в исполнении заповедей Божиих, ведущих нас к добру и уводящих от всякаго зла. Ибо аще не бежим от зла в мире сем, како убежим от него в ином мире, аще не очистимся здесь от грязи, како сможем там, где смотрят на то что отсюда несем.

Помози нам умрети миру сему, якоже и ты миру мертва бысть, возжелавши блага непреходящаго и вечнаго. Пусть и наше благо на небесех будет, дабы и сердца наши на небесех были, а не здесь, идеже все гниет и исчезает, идеже вор крадет, и моль и ржа тлит. Аще бо все силы своим положим на блага мира сего, за горсть праха земнаго, юже ниже с собой возьмем, тем и ты нам помощи не возможеши, мати наша благая. Аще же немного потрудимся, хотя мало возопиим ко Господу чрез тебя, невесту Его небесную, таже помощь твоя изольет неисчислимые блага небесные, иже укрепят нас на узком пути спасения, аще и сотни смертей нам предстанут.

Воистину душа наша вся грехами разодрана и бедна добродетелью, милосердный же Господь уготова лекарство – покаяние. Да родится в нас, хотя малая часть того истиннаго покаяния, еже Господу принесла еси, мати наша святая. Оживи божественное в душах наших твоими теплыми слезами, яже изливаеши на всяк день о роде сербстем, да уразумеем бездну долгов наших пред Богом, Он же прощает долги наши, аще искренно и слезно попросим Его о прощении.

Темже смилуйся, матушка наша Ангелино, крушедольская святая игумения, и помози нам спастися ото всякаго зла, дабы однажды твоими молитвами ко Господу, вошли в покой Царства небеснаго, идеже вси благодарно прославляют Святую Единосущную и Нераздельную Троицу, Отца и Сына и Святаго Духа, ныне и присно и во веки веков. Аминь.

Молитва вторая праведной Ангелине деспотиссе Сербской

О, великая угодница Христова и преславная мати наша Ангелино! Ты на небеси душею своею у Престола Божия предстоиши и славословие Ему непрестанно возносиши, обрати взор свой на нас сирых и скорбящих и помолися за нас ко Господу, да наставит нас на путь истины и благочестия, коим возможем и мы по скончании жития нашего в Отечество наше небесное взойти и с тобою Богу поклонитися. Ей, преподобная наша мати, зриши с небеси, яко время тяжкое безбожное наста и души наша скорбию исполнишася. Несть спасающаго, несть помогающаго, токмо Бог Единый, на Него же уповаем и Ему же славу возсылаем со Отцем и Сыном и Святым Духом ныне и присно и во веки веков. Аминь.

Величание

Ублажаем тя, преподобная мати Ангелино, и чтим святую память твою, ты бо молиши за нас Христа Бога нашего.

Православные акафисты

Память: 1 июля / 14 июля, 10 декабря / 23 декабря

Праведная Ангелина, деспотисса (царица) Сербская

Кондак 1

Избранней дщери княжескаго рода, святей преподобней матери нашей Ангелине, праведным житием своим Богу угодившей и ныне во святости Его непрестанно пребывающей, похвальное пение приносим. Ты же, яко имущая велие дерзновение ко Господу, моли усердно Его за нас, поющих ти:

Радуйся, преподобная мати наша Ангелино, святым ангелом равночестная.

Икос 1

Ангелом небесным житием своим уподобилася еси, святая Ангелино, и ныне на небеси со ангелы песнь славословия Пресвятей Троице возносиши. Сего ради и мы, покланяяся Творцу своему, приносим тебе славословия сия:

Радуйся, от благочестиваго кореня произрастшая.

Радуйся, на древе рода своего плодоносящею ветвию возросшая.

Радуйся, во благочестии и праведности воспитанная.

Радуйся, быти дщерию знаменитаго Албанскаго героя князя Георгия Скандербега удостоившаяся.

Радуйся, святость рода своего славнаго многократно приумножившая.

Радуйся, чести и славы родителей своих пред людьми не умалившая.

Радуйся, преподобная мати наша Ангелино, святым ангелом равночестная.

Кондак 2

Видя святый Стефан тебя чистотою небесною сияющую, возлюби всею душою и, в жены себе избрав, браком законным сочетася. Ты же, на престол Сербския страны возлюбленным супругом с почестями возведенная, согласно с ним воспела Богу: Аллилуиа.

Икос 2

Разумом ко благочестию устремлялася еси, преподобная Ангелино, уразумевши бо суету мира сего, избрала еси едино души твоей на потребу еже благоугождати Богу, темже претерпела еси изгнание купно с супругом своим и терпением в перенесении тягот изгнания душу свою стяжала еси. Таковому смирению твоему дивляхуся, вопием ти:

Радуйся, многия скорби от врагов страны твоея претерпевшая.

Радуйся, в скорбех сих яко злато в горниле очистившаяся.

Радуйся, от тягот изгнания в уныние не впадшая.

Радуйся, во изгнании крепость духа сохраншая.

Радуйся, семейства своего о Христе охранительница.

Радуйся, супругу своему верная помощница.

Радуйся, преподобная мати наша Ангелино, святым ангелом равночестная.

Кондак 3

Сила Вышняго осени тогда к смирению деспотису премудрую, в мужи Бога боятися научающи и чадородием спасатися помогающи, всем же сеющим в смирении жати спасение обещающи, внегда пети Создателю: Аллилуиа.

Икос 3

Имущи святая Ангелина свыше данную себе мудрость, яко драгую жемчужину в души своей Христа сохраняла еси, во всем Ему благоугождая. Мы же, верою твоею укрепляемии и материнским попечением твоим окормляемии, со умилением зовем ти:

Радуйся, материю заботливою народу своему бывшая.

Радуйся, с поддаными своими все невзгоды делившая.

Радуйся, в вере во Христа народ свой просвещавшая.

Радуйся, примером благочестия для всех ставшая.

Радуйся, у народа своего имя «матери Ангелины» заслужившая.

Радуйся, ласково «майкою» си есть «матушкою» от него называемая.

Радуйся, преподобная мати наша Ангелино, святым ангелом равночестная.

Кондак 4

Бурю злых напастей утишая, весь скорбный путь жития своего прошла еси, преподобная мати наша Ангелино, неся свой крест смиренно и терпеливодушно, бысть бо тебе Помощником Сам Господь, Ему же ты взывала: Аллилуиа.

Икос 4

Видяще святое житие твое, блаженная Ангелино, благослови Господь тебя на велий подвиг материнства, ты бо с супругом своим среди испытаний и лишений воспитала еси во благочестии и подвиге сыновей своих: святаго архиепископа Максима и святаго Иоанна — последняго властителя Сербии. Благослови и нас, духовных чад твоих, во благочестии всегдашнем пребывати, поющих тебе тако:

Радуйся, мудрость свою любовию во Христе свидетельствовавшая.

Радуйся, указующая, яко материнство во Дусе Святе свято есть.

Радуйся, являющая, яко избыток сердца твоего в чистейших чадах твоих.

Радуйся, ныне с чадами своими во святых ликующая.

Радуйся, и нас матерним попечением на земли не оставляющая.

Радуйся, в сердце своем обитель Святей Троице устроившая.

Радуйся, преподобная мати наша Ангелино, святым ангелом равночестная.

Праведная царица Ангелина Сербская

Кондак 5

Боготечную звезду зрим тя, преподобная наша мати Ангелино, в Царство Божие нам путь указующую; светом бо своим неземным озаряеши души наша, скорбми и печалями истомленныя, обаче Господу зовущия: Аллилуиа.

Икос 5

Видя себя в чистоте, святая Ангелино, по отшествии ко Господу мужа своего, в ангельский облик облеклася еси и подвигом монашеским душу свою благоукрасила еси. Среди чинов ангельских ныне пребывая, молися за ны, да и мы в чистоте душевней и телесней пребывати возможем, поющия тебе сицевая:

Радуйся, ангелом еще на земли уподобившаяся.

Радуйся, царственный путь для себя избравшая.

Радуйся, путем сим неукоснительно шедшая.

Радуйся, в молитве сладостней душу свою утешавшая.

Радуйся, с Господом непрестанно в молитве пребывавшая.

Радуйся, подвиг монашеский наравне с материнским подвигом пронесшая.

Радуйся, преподобная мати наша Ангелино, святым ангелом равночестная.

Кондак 6

Постом и молитвою плоть твою духови поработила еси, святая Ангелино, и во славу Божию пожила еси, сего ради ныне на небеси Пресвятей Троице поеши: Аллилуиа.

Икос 6

Возсияла еси всему миру благочестием твоим, святая наша мати Ангелино, радость бо велия бысть всем земным и небесным, егда Лавру Крушедольскую построила еси, в ней же ныне нетленными мощами пребываеши. Мы же, и по отшествии твоем, яко с нами неотступно пребывающей, поем ти:

Радуйся, об обителех сербских и русских заботившаяся.

Радуйся, подвизающимся в обителях сих благотворившая.

Радуйся, яко с супругом и сынами своими в лике святых пребываеши.

Радуйся, яко на небосклоне небеснем ныне сияеши.

Радуйся, и на земли и на небеси венцами украшенная.

Радуйся, славе земней славу небесную предпочетшая.

Радуйся, преподобная мати наша Ангелино, святым ангелом равночестная.

Кондак 7

Хотя народ сербский от турецкаго владычества избавитися, со слезами к тебе, преподобная Ангелино, и ко присным твоим пред мощами вашима взывал есть. Ты же, не оставила еси народа твоего без защиты, о тебе поющаго Богу: Аллилуиа.

Икос 7

Новаго чуда бысть свидетелие люди православнии, егда невернии от мощей твоих исцеления получаху, удивляяся величию веры христианской. Мы же, ведая силу Божию, на тебе пребывающую, восхваляем тя, преподобная наша мати Ангелино:

Радуйся, верою своею во Христа нас укрепляющая.

Радуйся, в любви Христовой пребывати непрестанно нас научающая.

Радуйся, яко ты еси утверждение наше во благочестии.

Радуйся, тебе бо мы молитвы свои возносим, яко нашей усердной молитвеннице.

Радуйся, яко зде на земли тебе ублажаем и почитаем.

Радуйся, и на небеси с тобою восхваляти Господа чаем.

Радуйся, преподобная мати наша Ангелино, святым ангелом равночестная.

Кондак 8

Странными чудесы прославляяся, преподобная мати Ангелино, утвердила еси в людех твердую веру и упование, яко много возможно праведному по молитве его. Мы же, веруя, яко аще по Бозе упование на тя возложим, такожде приимем просимое молением твоим, поем о тебе Создателю: Аллилуиа.

Икос 8

Всю себя предав воли Божией, неутомимое попечение о спасении души своея и чад твоих имела еси, тии же, воспитаннии материнскими стараниями твоими во благочестии и послушании, достойными продолжателями рода твоего славнаго быша. Ведая святыя труды и подвиги чад твоих во благо святыя Церкве и страны своея, восхваляем твою материнскую любовь и мудрость:

Радуйся, Архиерею Небесному на служение святаго архиепископа Максима возрастившая.

Радуйся, на труды святительския того благословившая.

Радуйся, и другим сыном твоим, святым Иоанном, в материнском звании возвеличенная.

Радуйся, яко благочестием чад твоих главу свою увенчавшая.

Радуйся, яко сил твоих на воспитание чад своих не жалевшая.

Радуйся, сыновнею любовию за любовь свою материнскую щедро вознагражденная.

Радуйся, преподобная мати наша Ангелино, святым ангелом равночестная.

Кондак 9

Всякия скорби, болезни, искушения от нечестивых во изгнании с супругом и чадами своими претерпела еси, преподобная мати Ангелино. И вси сии, бываемыя тебе, с Божиею помощию, преодолела еси. Сего ради, научаяся подвигам твоим, вопием о тебе Богу: Аллилуиа.

Икос 9

Витийство человеческое не возможет по достоянию восхвалити подвиги твоя и промышление о тебе Божие, преподобная мати Ангелино, яко не толико невестою владыки земнаго сподобилася еси быти, обаче невестою Христовою нареклася еси. Мы же, вся сия ведуще, радующеся глаголем тебе:

Радуйся, на заре жития своего в мантию деспотисы облаченная.

Радуйся, на закате жития своего сию на мантию монахини сменившая.

Радуйся, венцем от владыки земнаго коронованная.

Радуйся, венцем от Господа на небеси увенчанная.

Радуйся, одежды королевския на иноческия сменившая.

Радуйся, в наряде ангельском пред Господом представшая.

Радуйся, преподобная мати наша Ангелино, святым ангелом равночестная.

Кондак 10

Спасти хотя душу твою, богомудрая наша мати Ангелино, в кротости и смирении Христови уподобитися возжелала еси и в сем дивно преуспела еси. Тем же и нам, хотящим спасение стяжати, не преставай помогати, вопиющим Богу: Аллилуиа.

Икос 10

Стена еси и заступление всем с верою и любовию к тебе притекающим, святая Ангелино, тем же молим тя: заступи и огради нас от искушений, бед и озлоблений, с любовию взывающих тебе:

Радуйся, яко в тебе зрим материнское к нам благоволение.

Радуйся, яко твоими молитвами скорби наша утишаются.

Радуйся, добре подвизающихся непрестанно укрепляющая.

Радуйся, на благое и душеполезное нас наставляющая.

Радуйся, от домашния вражды единокровныя миром ограждающая.

Радуйся, любити ближних своих нас научающая.

Радуйся, преподобная мати наша Ангелино, святым ангелом равночестная.

Кондак 11

Пение благодарственное Господеви нашему приносим, яко даровал нам в тебе, преподобная наша мати Ангелино, теплую молитвенницу, скорую помощницу и дивную заступницу, воспевающе Ему: Аллилуиа.

Икос 11

Светом Божественным осиянная, преподобная Ангелино, ныне во блаженстве со Господом пребываеши и у Престола Его дерзновенно за всех православных молишися. Яко мати архиерея сущая, буди духовной материю и всем архиереям ныне святительский подвиг несущим, да благословляют тебя тако:

Радуйся, верная раба Божия, паче всех благ Господа возлюбившая.

Радуйся, душу свою елеем добрых дел умастившая.

Радуйся, Жениху Небесному в полунощи во сретение изшедшая.

Радуйся, светильник свой до последняго часа своего не угасившая.

Радуйся, ангелами на небеса вознесенная.

Радуйся, в райския двери небоязненно вшедшая.

Радуйся, преподобная мати наша Ангелино, святым ангелом равночестная.

Кондак 12

Благодать Божию щедро излиявшуюся на тебе, святая Ангелино, испроси и нам от Всещедраго Бога и Спаса нашего, да нею вразумляемии и укрепляемии ходим во свете заповедей Божьих и достигнем вечнаго блаженства, воспевающе Богу: Аллилуиа.

Икос 12

Поюще Бога, дивнаго во святых Своих, хвалим тя, Христову исповедницу, за долготерпение и преславная благодеяния твоя, ублажаем праведную кончину твою, почитаем и священную память твою и в похвалу сицевая тебе зовем:

Радуйся, за всех тезоименитых Ангелин пред Богом сугубая и теплая молитвенница.

Радуйся, и нас, чад твоих, в своих молитвах поминающая.

Радуйся, любовию материнскою щедро всех возлюбившая.

Радуйся, всех, к тебе прибегающих, милостию своею покрывающая.

Радуйся, утешением и радостию молящихся пред честными мощами твоими возвеселяющая.

Радуйся, иконами своими милосердное заступление нам являющая.

Радуйся, преподобная мати наша Ангелино, святым ангелом равночестная.

Кондак 13

О, святая преподобная наша мати Ангелино, святым ангелом житием своим поревновавшая! Молим тя усердно: не оставляй нас во дни скорби и напасти и избавление от сих нам даруй, да спасаемии и укрепляемии заступлением твоим возвеселимся душами нашими и воспоем Творцу и Богу: Аллилуиа.

Этот Кондак читается трижды, затем Икос 1-й и Кондак 1-й.

Молитва Ангелине Святой

Кондак 1

Избранней воеводе Христовой, благочестивым и многострадальным житием и любовью велицей к ближним стяжавшей свободу от Господа, теплые сыновние молитвы возносим. Помози нам, мати наша, спастися от зла мира сего и Царствие Небесное наследовати, темже тебе тамо узрев, восклицати:

Радуйся преподобная Ангелино, мати небесной доброты и милосердия.

Икос 1

Ангелам подобна сущи, имя ангельское носила еси достойно, Христа возлюбивши и Тому подражавши, богоугодно на земли пожила еси, благочестивых и богопрославленных чад роди, и яко матерь истинная о народе сербстем попечение имеше. Велию любовь твою к нищим и неимущим показала еси, тии же с любовию тебе матушкой Ангелиной именоваху. Мы же ти похвалу сию возносим:

Радуйся, Небесная твердосте наша;

Радуйся, Духом Святым просвещенная;

Радуйся, милосердием позлащенная;

Радуйся, сладость доброты изливающая;

Радуйся, земле многоплодная;

Радуйся, отрасле благородная;

Радуйся, рода сербскаго славо;

Радуйся, мати наша небесная;

Радуйся, молитвенница наша пред Богом;

Радуйся, преподобная Ангелино, мати небесной доброты и милосердия.

Кондак 2

Видим тя рождену от родителей благочестивых, мати Ангелино, в роде албанстем, в те поры православнем и вернем, в доме, идеже всякий день послушаше словеса молитвенныя и возносима бысть небесная песнь Господу: Аллилуия.

Икос 2

Разуму тебе, благочестивая матерь твоя от первых дней наставляла еси, мати Ангелино, да Господа любиши, Тому молишися и на Него упования возложиши, якоже провиде вся искушения твоя тяжкие в будущем. Тем воспеваем ти сице:

Радуйся, яже измлада добродетели возлюбившая;

Радуйся, ангельскаго имени сподобльшаяся;

Радуйся, добраго семени доброе прозябение;

Радуйся, благочестивых родителей светлое чадо;

Радуйся, благочестия исполненная от младенчества;

Радуйся, цвете, любовью Христовой напоенный;

Радуйся, серно, млеком Святаго Духа напитанная;

Радуйся, птице, к высотам небесным устремленная;

Радуйся, яко дар еси велий твоего племени народу сербскому;

Радуйся, преподобная Ангелино, мати небесной доброты и милосердия.

Кондак 3

Силою свыше укрепляема возросла еси предивная дево, красоты необыкновенной и мудрости, мати Ангелино, преисполнися евангельских добродетелей, чудесным светом осияваема бяше. Ты же ангельский свой зрак украшаше сладкозвучной песнию Господу щедрот: Алилуия.

Икос 3

Имела еси, мати Ангелино, якоже прекрасное древо райское, да благой цвет процветши, во время подобно добрый плод принесеши, чад благочестивых и возвеличенных, ихже Господь благодатию святости прославит, трудов их ради народу сербскому во благо и защиты ради веры православныя. Темже благодарне тя величаем:

Радуйся, душею Ангелом подобная;

Радуйся, в евангельских добродетелях утвержденная;

Радуйся, смиренная и тихая раба Божия;

Радуйся, святых Бранковичей похвало;

Радуйся, яко питала еси чад своих млеком благочестия Христова;

Радуйся, злобных духов победительнице;

Радуйся, доброт небесных дарительнице;

Радуйся, мати рода сербскаго;

Радуйся, ласточка Христова, от юга прелетевшая;

Радуйся, преподобная Ангелино, мати небесной доброты и милосердия.

Кондак 4

В землю отечества твоего, преподобная мати Ангелино, отца твоего достиже Стефан Бранкович, деспот сербский, иже бе слеп, гоним и всеми отвергнут. Ты же зрящи его ослепленнаго в сердце своем радостно воспела Господу Любви: Аллилуиа.

Икос 4

Взирающе на сего млада деспотовича, исполнялася еси стыдливости небесней, зряще в нем лепоту душевную благородну и благу, и якоже подобает, умоли родителей да благословят тебе брак с ним. Мы же своей греховности и нечистоты стыдяся, воспеваем ти, мати Ангелино, тако:

Радуйся, невесто благочестивая слепаго королевича сербскаго;

Радуйся, яко презрела еси тленное богатство;

Радуйся, яко просияла еси славой небесной;

Радуйся, яко ум управила еси к небесным высотам;

Радуйся, яко преселилася еси в обители небесныя;

Радуйся, яко наслаждаешися славой неизреченней;

Радуйся, яко с материнской заботой с небес на нас взираеши;

Радуйся, яко пребываеши во свете неприступнем;

Радуйся, яко со Ангелы радуешися на Небесех;

Радуйся, преподобная Ангелино, мати небесной доброты и милосердия.

Кондак 5

Ведала еси, мати Ангелино, яко житие со слепым супругом, аще и деспот бе, скорбно ти будет и многую горечь принесет ти. Но глас Божий, егоже присно слушала, повелел ти ради высшаго блага соединить душу твою с душою многострадальнаго, да отныне вкупе поете Богу: Аллилуиа.

Икос 5

Господь же, всем жизнь подающий, даде и тебе, мати Ангелино, и верному супругу твоему Стефану трех дивных и благородных чад, Георгия, Иоанна и Мару, да их возрастите во страсе Божиим и чистоте евангельстей. Темже тя призываем:

Радуйся, святая мати, тебе же сыновья превзошли в святости;

Радуйся, добрая их наставнице во благочестии;

Радуйся, светоносная звездо Небесная;

Радуйся, усердная защитнице наша;

Радуйся, веселие в скорбях пребывающим;

Радуйся, яко все житие свое Господу предала еси;

Радуйся, озаренная светом богомыслия;

Радуйся, яко веру Православную ревностно хранила еси;

Радуйся, теплая и усердная молитвеннице народа сербскаго;

Радуйся, преподобная Ангелино, мати небесной доброты и милосердия.

Кондак 6

Нападоша безбожные агаряне на христианскую Албанию скоро, убивая всех иже пред собою видеша. Того ради переселися, святая Ангелино, с семьей в западную Италию, и вкупе с православными христианами, идеже там живущими, единодушно воспели Богу: Аллилуиа.

Икос 6

Зде, преподобная Ангелино, с верным своим супругом Стефаном, прилежно растила чад во страсе Господнем. Абие преставися супруг твой ко Господу, по нем же и дщерь твоя отроковица Мара преселися в духовныя обители. Яко серна уязвленна моляше Господа да сохранит сыны твоя, да ти в старости опорой и утешением будут. Скорбя с тобою, и мы восклицаем:

Радуйся, верная супруго мужа многострадальнаго;

Радуйся, благородное древо Христово;

Радуйся, яко плод утробы своея Христу принесла еси;

Радуйся, яко душу к вышним добродетелям устремила еси;

Радуйся, яко до конца Богу верна была еси;

Радуйся, яко бесовское лукавство аки паучину разметала еси;

Радуйся, мудрым девам во Царствии Небеснем приятельнице;

Радуйся, в светильнике своем елей сохранившая;

Радуйся, со славою Женихом Небесным принятая;

Радуйся, преподобная Ангелино, мати небесной доброты и милосердия.

Кондак 7

В нищете и скорби живущи, преподобная Ангелино, умоли царя угорскаго Матия, он же тебе и чадам твоим подари град Купиново в земли сремской на реке Савве, да будете князья народу сербскому. Народ же сербстий тя аки родную прият, аще и чужеземка была еси, и благодарно возглашаху Богу: Аллилуиа.

Икос 7

Новое безценное сокровище и благословение Божие многострадальнаму народу сербскаму принесла еси, преподобная Ангелино, святии и нетленные мощи мужа твоего, святаго Стефана, егоже Господь по смерти абие прослави и многая чудесная исцеления являше. Благодарный же народ со слезами радости пояше тебе сице:

Радуйся, благословение Господне народу сербскому;

Радуйся, яко православных благодатию Божией озаряеши;

Радуйся, яко грешных к покаянию приводиши;

Радуйся, яко в сердца верующих страх Божий насаждаеши;

Радуйся, яко здравие душевное и телесное многим даровала еси;

Радуйся, яко токмо от Царя Небеснаго славы взыскала еси;

Радуйся, яко земную суету вресноту презрела еси;

Радуйся, яко с радостию крест свой за Христом несла еси;

Радуйся, яко возлетела еси ко горнему Царствию;

Радуйся, преподобная Ангелино, мати небесной доброты и милосердия.

Кондак 8

Первым сын твой Георгий, преподобная Ангелино, прият чин княжеский от царя угорскаго, последи же монашество избра, тем младший Иоанн поставлен бысть вождем народа сербскаго. Имея упование крепкое на Господа, укрепляла еси его в несении бремени тяжкаго, моляся о помощи Божией с благодарней песней: Аллилуиа.

Икос 8

Таже паки скорбь порази сердце твое, преподобная Ангелино, сын бо твой Иоанн млад сущ преставися ко Господу. Обаче и его прославил скоро Господь и скорбь твоя обратися на радость велию. Смуты в Среме уклоняяся, появ святыя мощи Иоанна и Стефана, и сына твоего монаха Максима, прешла еси в землю Влашскую. Тем тя величаем:

Радуйся, яко плод твоея утробы благолепно украшает Церковь Христову;

Радуйся, трапезо многоразличных даров Божиих;

Радуйся, любовию Христовой преисполненная;

Радуйся, яко ангельское житие на земли пожила еси;

Радуйся, ризнице пребогатая благодати Божией;

Радуйся, мати всех скорбящих и болящих;

Радуйся, яко постом, бдением и молитвами богатство небесное стяжала еси;

Радуйся, яко Христос тебе в боготканные одежды облече;

Радуйся, яко Христос тебе венцем Царствия Своего украси;

Радуйся, преподобная Ангелино, мати небесной доброты и милосердия.

Кондак 9

Тамо посреди влахов сын твой Максим бе рукоположен в митрополита, мати Ангелино, ты же с ним ради неизмеримыя любве своея ко всем и вся, много добра сотвори народу тому, иже того ради в радости взывали Богу: Аллилуиа.

Икос 9

Ветия небесныя Ангели не возмогут изрещи доброты и величия твоего, мати Ангелино, некоторому бо времени минувшу поиде заново в Срем с сыном ти Максимом и монастырь Крушедол возгради, идеже положиста мощи святаго Стефана и святаго Иоанна на радость измученнаго народа Сербскаго. Радуяся и мы с ними, благодарим тя:

Радуйся, светлая звездо во тьме мира сего;

Радуйся, просвещение во тьме неверия;

Радуйся, полков демонских храброе отгнание;

Радуйся, и ныне надеждо оставленных;

Радуйся, единственное теплое прибежище бедствующих;

Радуйся, лоза плодородная вина Небеснаго;

Радуйся, яко слава твоя сквозь века поминается;

Радуйся, яко мнози к тебе в боли притекают;

Радуйся, яко потоцы слез у мощей твоих проливаются;

Радуйся, преподобная Ангелино, мати небесной доброты и милосердия.

Кондак 10

Спасение всем творяй Господь по мале времени сына твоего Максима тожде взят от земных на небо, осталася же еси едина, мати наша Ангелино, проводивши со слезами от мира сего твоих сродник, возгради женский монастырь в селе Крушедоле и облечеся в черную одежду покаяния, да тако поеши: Аллилуиа.

Икос 10

Стена еси бе народу Сербскаму и едина верная защитнице, егда святой Максим преставися, мати Ангелино, благолепно жизнь твою взирала еси чад твоих Богом благословенных и со святыми сопричтенных. Сего ради вяще предадеся подвигу и делом милосердия. Тем ти такия похвалы возносим:

Радуйся, яко монастырь Сретения Господня возградила еси;

Радуйся, яко монашескую одежду достойно носила еси;

Радуйся, яко многия слезы покаяния пролила еси;

Радуйся, яко земное богатство на Небесное пременила еси;

Радуйся, яко узников в темнице посещала еси;

Радуйся, яко милостию многих утешила еси;

Радуйся, источниче исцелений неисчетных;

Радуйся, упокоение больных и немощных;

Радуйся, огню изобильный любве Божия;

Радуйся, преподобная Ангелино, мати небесной доброты и милосердия.

Кондак 11

Пение Богу страна Сремская возсылает, ты бо, мати Ангелино, воздвигаеши церкви и монастыри, утешаеши и помогаеши убогим и бедным, тии же тя с любовию и лаской справедиво называют – матушка Ангелино, восхваляя Бога яко послал еси тебе: Аллилуиа.

Икос 11

Свято и богоугодно поживши, последи и ты упокоися от превелиих трудов твоих, мирно почив о Господе, мати Ангелино, погребена же телом бысть в монастыре твоем женстем. Душу же твою Ангелы, ихже ты имя ношаше, отнесоша к чадом твоим и супругу, да вечно радуешися с ними. Тем ти благодарно вопием:

Радуйся, надеждо безнадежных;

Радуйся, исцеление болящих;

Радуйся, пробуждение спящих духовно;

Радуйся, покаяние грешных;

Радуйся, помоще безпомощных;

Радуйся, свете помраченных;

Радуйся, радование скорбящих;

Радуйся, утешение отчаянных;

Радуйся, славо монашествующих;

Радуйся, преподобная Ангелино, мати небесной доброты и милосердия.

Кондак 12

Благодати Божий изволися, мати Ангелино, некоему времени истекшу обретошася святыя нетленные мощи твоя, со всяким же благочестием и торжеством пренесены быша в монастырь Крушедол и положены в раку к сыну твоему святому Иоанну. Таже множество народа сия созерцающи, воклицаху радостно Богу: Аллилуиа.

Икос 12

Поем честную память твою, аще безбожные турки изрубиша и сожгоша святыя мощи твоя и твоих святых чад и супруга. Сохранися нам едина рука твоя, преподобная мати Ангелино, еюже аки истинная матерь милуеши нас и благословение Божие на нас призываеши, егда к тебе в монастырь Крушедол притекаем и со слезами помощи твоей испрошаем. Темже, матушко наша, от всего сердца сицевыя похвалы тебе возносим:

Радуйся, яко в тихое вечное пристанище душа твоя достиже;

Радуйся, яко и по смерти жива являешися;

Радуйся, яко сторицею от Бога награду за труды приняла еси;

Радуйся, яко иконы твоя многия храмы украшают;

Радуйся, яко прославляеши прославляющих тя;

Радуйся, яко верных ко Господу приводиши;

Радуйся, яко молишися о спасении мира;

Радуйся, яко мощи твоя светом чудес сияют;

Радуйся, монастыря Крушедола вечная игумение;

Радуйся, преподобная Ангелино, мати небесной доброты и милосердия.

Кондак 13

О, святая мати Ангелино, упование наше и защито, услыши молитвенный глас сей, и помози нам, чадом твоим, да очистимся от греха и всякия нечистоты, да с благим упованием отыдем из мира сего, аще и последнии будем во Царствии Небеснем, идеже вси радостно поют Господу: Аллилуиа.

(Этот кондак читается 3 раза, а затем снова икос 1 и кондак 1, после них молитва.)

Молитва

Преподобная Ангелина Сербская

Мать Ангелина, как любовно ее называют сербы, одна из наиболее почитаемых в этом народе святых жен. Обстоятельства жизни и подвиги святой дают нам основание считать ее покровительницей как семьи, так и женского монашества. Для нас же эта святая уникальна еще и тем, что все православные христианки русской церковной традиции с именем Ангелина именно ее считают своей небесной покровительницей. В настоящий момент святая Ангелина Сербская – единственная Ангелина в русском месяцеслове.

В те времена в албанские края пришел сербский изгнанник деспот Стефан Слепой, второй сын деспота Георгия Бранковича (1427–1456 гг.). В 1441 году турки заточили Стефана вместе с его старшим братом Гргуром в темницу, где обоих ослепили. По смерти их отца Сербией какое-то время правил самый младший брат Лазарь (1456–1458 гг.), а потом деспотом стал блаженный страдалец Стефан.

За два месяца до падения под ударами турок сербской столицы Смедерево наученные дьяволом люди оклеветали Стефана и изгнали его из своего отечества, так что он испытал на чужбине многие беды и нужды. Праведный Стефан отправился через Будим к своей сестре графине Катарине, а затем прибыл в город Дубровник в Далмации и оттуда уже отправился в Албанию, чтобы обрести там безопасное пристанище.

Князь Ариянит по-братски принял Стефана. Пребывание сербского изгнанника в гостях затянулось настолько, что он стал для семьи князя как родственник. Благородная княжеская дочь Ангелина всем сердцем полюбила слепого Стефана и просила у родителей благословения на брак с ним. Родители дали свое согласие и благословили молодых. Желая всей душой разделить судьбу с благородным изгнанником, в 1461 году Ангелина обвенчалась со Стефаном в Скадаре. От благословленного Богом брака у них появились на свет сыновья Георгий и Иоанн и дочь Мара. Когда дети были еще маленькими, на эту христианскую страну напали магометане, и Стефану с Ангелиной пришлось были бежать с детьми в Италию. Здесь Ангелину постигло еще одно испытание: 9 октября 1476 года праведный Стефан отошел ко Господу. Вскоре Бог прославил своего угодника: над могилой Стефана стал появляться таинственный свет, а тело его оказалось нетленным.

Оставшись вдовой с тремя детьми, блаженная Ангелина нуждалась в самом необходимом для жизни. Вдове пришлось вкусить горечь сиротской доли на чужбине. Движимая заботой о детях, она обратилась с просьбой о помощи к венгерскому королю Матии Корвину, который милостиво дал в удел ей и ее сыновьям город Купиново на реке Саве. Взяв с собой нетленные останки своего супруга, Ангелина добралась через Вену и Буду до Купиново и там в церкви святого апостола и евангелиста Луки положила 15 февраля 1486 года мощи своего супруга Стефана. Венгерский король даровал старшему сыну Ангелины Георгию титул деспота и некоторые земли, но Георгий вскоре отказался от них в пользу своего младшего брата Иоанна, а сам в 1495 году принял монашество с именем Максим. В 1502 году скончался молодой деспот Иоанн. Святая Ангелина с Максимом, взяв с собой мощи Стефана и Иоанна, переселились к влашскому воеводе Иоанну Радулу. Здесь Максим был хиротонисан в митрополита Влахозапланинского, примирил воеводу Радула с молдавским воеводой Богданом и вместе со своей матерью сотворил в тех краях много добрых дел.

Несколько лет спустя Ангелина вернулась вместе с сыном в Сремскую область, где блаженный Максим стал митрополитом Белградским и Сремским. Вместе с матерью они воздвигли монастырь Крушедол во имя Благовещенья Пресвятой Богородицы. Сюда святитель Максим перенес из Белграда свою епископскую кафедру, обновив, таким образом, Сремскую архиепископию. Вскоре – 18 января 1516 года – он отошел ко Господу и был погребен в Крушедоле. Так праведной Ангелине суждено было пережить мужа и обоих сыновей, которых Господь прославил в лике Своих святых.

Сохранив свое мирское имя, преподобная Ангелина приняла монашеский постриг в построенном ею неподалеку от Крушедола монастыре Сретения Господня и полностью предалась молитве, делам милосердия и попечению о храмах и монастырях. Эта достойная подражания христианка, супруга, мать и монахиня за свои труды и добрые дела была любовно прозвана в народе матерью Ангелиной. Так, пожив богоугодно и свято, она почила от трудов своих и мирно отошла ко Господу 30 июля 1520 года. Преподобную Ангелину похоронили в той же женской обители, а спустя несколько лет ее святое тело было обретено нетленным, перенесено в монастырь Крушедол и положено в одну раку с мощами ее сына святого деспота Иоанна.

В 1716 году турки сожгли святые и чудотворные мощи святых Бранковичей вместе с монастырем Крушедол. Сохранилась только левая рука святой Ангелины. Службу святой вскоре после явления ее чудотворных мощей написал один из насельников Крушедола. 30 июля (12 августа по н.ст.), когда Сербская Церковь празднует день ее памяти, в этой святой обители бывает большой праздник и стечение верующего православного народа. Память святой отмечается также 1 июля и 10 декабря по старому стилю.